जीवन बीमा कम्पनीहरुको व्यवसाय २९ अर्ब माथि, पाँच कम्पनी अझै पुगेनन् अर्ब क्लबमा 

काठमाडौं : जीवन बीमा कम्पनीहरुको व्यवसाय बढेको छ । चाल् आर्थिक वर्षको भदौ मसान्तसममा मात्र कम्पनीहरुले २९ अर्ब रुपैयाँ बराबरको बीमा व्यवसाय गरेको छ । नेपाल बीमा प्राधिकरणका अनुसार यस अवधिमा कम्पनीहरुले एक करोड ३४ लाख ५१ हजार ८२२ बीमालेख बिक्री गरी २९ अर्ब १२ करोड ९८ लाख रुपैयाँ बराबरको बीमाशूल्क संकलन गरेका हुन् ।

प्राधिकरणका अनुसार बीमा कम्पनीहरुले गत आर्थिक वर्षको सोही अवधिको तुलनामा चालु आवको भदौ मसान्तसम्म तीन अर्ब ८ करोड ६५ लाख रुपैयाँले व्यवसाय बढाएका हुन् । जबकी गत आवको सोही अवधिमा कम्पनीहरुले एक करोड ४० लाख ३९ हजार ५०७ बीमालेख बिक्री गरी २६ अर्ब ४ करोड ३३ लाख रुपैयाँ बीमाशुल्क संकलन गरेका थिए । 

एक महिनामा साढे नौं अर्बको व्यवसाय

कम्पनीहरुले चालु आवको भदौ महिनामा मौ साढे नौं अर्ब रुपैयाँ बराबरको बीमा व्यवसाय गरेका छन् । यस अवधिमा कम्पनीहरुले ८ लाख १५ हजार ३६६ बीमालेख बिक्री गरी ९ अर्ब ५२ करोड ३४ लाख रुपैयाँ बराबरको बीमाशुल्क संकलन गरेका हुन् ।

जबकी गत साउन महिनामा बीमा कम्पनीहरुले ८ लाख ३२ हजार ७५९ बीमालेख बिक्री गरी १९ अर्ब ६० करोड ६३ लाख रुपैयाँ बीमाशुल्क संकलन गरेका थिए ।

अग्र स्थानमा नेपाल लाइफ

चालु आवको भदौ मसान्तसम्ममा नेपाल लाइफ इन्स्योरेन्सले ८ अर्बको व्यवसाय गरेको छ । कम्पनीले यस अवधिमा १ज्ञ लाख ४५ हजार ९४५ बीमालेख बिक्री गरी आठ अर्ब एक करोड १८ लाख रुपैयाँ बीमाशुल्क संकलन गरेको हो । गत आवको सोही अवधिमा कम्पनीले नौं लाख ३ हजार ४७३ बीमालेख जारी गरी ७ अर्ब ६३ करोड ३४ लाख रुपैयाँ बीमाशुल्क संकलन गरेको थियो ।

अर्ब क्लबमा पुगेनन् अझै पाँच कम्पनी

प्राधिकरणको तथ्यांक अनुसार भदौ मसान्तसम्ममा पाँच कम्पनीको व्यवसाय अझै एक अर्ब भन्दा कम रहेको छ । यस अवधिमा मेट लाइफ इन्स्योरेन्सले ९२ करोड १२ लाख रुपैयाँ बराबरको व्यवसाय गरेको छ भने आईएमई लाइफ इन्स्योरेन्स कम्पनीले ७६ करोड ३१ लाख रुपैयाँ बराबरको व्यवसाय गरेको छ ।

भदौ मसान्तसम्म सन नेपाल लाइफले ६३ करोड ७४ लाख रुपैयाँ बराबरको बीमाशुल्क संकलन गरेको छ । त्यस्तै, रिलायबल नेपाल लाइफले ६७ करोड ५५ लाख रुपैयाँ र प्रभु महालक्ष्मी लाइफले ८२ करोड ४९ लाख रुपैयाँ बराबरको बीमाशुल्क संकलन गरेका छन् ।

अन्य कम्पनीको व्यवसाय

यस अवधिमा राष्ट्रिय बीमा संस्थानले ३ अर्ब ५६ करोड ८५ लाख रुपैयाँ बराबरको व्यवसाय गरेको छ भने नेशनल लाइफले १५ लाख ८२ हजार ६३६ बीमालेख जारी गरी २ अर्ब ९० करोड ७७ लाख रुपैयाँ बीमाशुृल्क संकलन गरेको छ । 
त्यस्तै, यस अवधिमा लाइफ इन्स्योरेन्स कम्पनीले तीन अर्ब ६ करोड ३४ लाख, एशियन लाइफले एक अर्ब २२ करोड ८ लाख, सिटिजन लाइफले एक अर्ब एक करोड १० लाख रुपैयाँ र सूर्यज्योति लाइफले एक अर्ब ५५ करोड रुपैयाँ बीमाशुल्क संकलन गरेको छ ।

प्राधिकरणका अनुसार भदौ मसान्तसम्म सानिमा रिलायन्स लाइफले ९ लाख ५३ हजार ८७३ बीमालेख बिक्री गरी एक अर्ब एक करोड ५९ लाख रुपैयाँ बराबरको बीमा शुल्क संकलन गरेको छ भने हिमालन लाइफ इन्स्योरेन्सले तीन लाख ८६ हजार ९ बीमालेख जारी गरी २ अर्ब ९५ करोड ७९ लाख रुपैयाँ बीमाशुल्क संकलन गरेको छ

दुई लघुबीमाले गरे १३ लाखको व्यवसाय

प्राधिकरणबाट भर्खरै लाइसेन्स पाएर व्यवसाय शुरु गरेका दुई लघुबीमा कम्पनीहरुले १३ लाख ४५ हजार रुपैयाँको व्यवसाय गरेका छन् । यस अवधिमा गार्डियन माइक्रो लाइफले ९८३ बीमालेख जारी गरी १० लाख ३७  हजार रुपैयाँ बीमाशुल्क संकलन गरेको छ भने केष्ट माइक्रो लाइफले ३६१ बीमालेख जारी गरी तीन लाख ७ हजार रुपैयाँ बीमाशुल्क संकलन गरेको तथ्यांकमा उल्लेख छ ।