सुनचाँदीको मूल्यमा भारी गिरावट, एकैदिन तोलामा साढे २० हजार रुपैयाँले घट्यो 

काठमाडौं : नेपाली बजारमा शुक्रबार सुनचाँदीको मूल्यमा भारी गिरावट देखिएको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला २० हजार ५०० रुपैयाँले घटेको हो। त्यस्तै आज चाँदीको मूल्य तोलामा ४४० रुपैयाँले घटेको छ । 

Sponsored Advertisement

महासंघका अनुसार आज छापावाला सुनको मूल्य प्रतितोला तीन लाख १८ हजार ८०० रुपैयाँमा कारोबार भइरहेको छ भने चाँदीको मूल्य प्रतितोला सात हजार ६५ रुपैयाँमा कारोबार भईरहेको महासंघले जनाएको छ । 

बिहिबार छापावाला सुनको मूल्य प्रतितोला तीन लाख ३९ हजार ३०० रुपैयाँमा कारोबार भएको थियो भने चाँदीको मूल्य प्रतितोला सात हजार ५०५ रुपैयाँमा कारोबार भएको थियो ।