माण्डु हाइड्रोपावरले म्युचुअल फन्डलाई छुट्याएको शेयरको ‘लक इन’ अवधि फागुन २३ गते सकिने

काठमाडौं : माण्डु हाइड्रोपावर लिमिटेडको साधारण शेयर बिक्री (लकइन पिरियड) फागुन २३ गतेबाट सकिने भएको छ  । कम्पनीले सामुहिक लगानी कोषका लागि छ्ट्याएको शेयरको लकइन पिरियड खुल्ला गर्न लागेको हो । 

कम्पनीले सर्वसाधारणमा जारी गरेको शेयरमध्ये २२ हजार ९३५ कित्ता शेयरको लकइन पिरियड खुल्ला भएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ । हाइड्रोपावरले चुक्ता पुँजी एक अर्ब ३६ करोड ३६ लाख ३७ हजारको १२ प्रतिशत अर्थात १६ लाख ३६ हजार ३७० कित्ता शेयर सर्वसाधारणमा जारी गरेको थियो । 
जसमध्ये ५ प्रतिशत अर्थात ७२ हजार १३३ कित्ता शेयरमा नेपाल धितोपत्र बोर्डका निर्देशन अनुसार २२ हजार ९३५ कित्ता लक इनमा राखिएको थियो । 

नेपाल धितोपत्र बोर्डले गत कात्तिक २० गते म्युचुअल फन्डहरुलाई बिक्री गरेको आर्इपीओ ६ महिनासम्म ‘लक इन’ राख्नु पर्ने व्यवस्था गरेको थियो । लक इन अवधि सकिएपछि म्युचुअल फन्डले होल्ड गरेको शेयर कारोबारका लागि योग्य हुनेछ ।