आईपीओ जारी गर्दै सिउरी न्यादी पावर, डाक्यो साधारणसभा 

काठमाडौं : सिउरी न्यादी पावर लिमिटेडले सर्वसाधारणमा प्राथमिक शेयर निष्कासन गर्ने भएको छ । कम्पनीको बिहिबार बसेको सञ्चालक समितिको बैठकले आईपीओ जारी गर्ने प्रस्तावसहित साधारणसभा बोलाएको छ ।

उक्त सभा फागुन ९ गते बुधबार लिसारा पाटी प्यालेस नक्साल काठमाडौंमा बिहान १० बजे हुनेछ । 

सभाले गत आर्थिक वर्षको वार्षिक प्रतिवेदनमाथि छलफल गर्ने, लेखापरिक्षक नियुक्ती गरी पारिश्रमिक निर्धारण गर्ने प्रस्ताव पारित गर्नेछ । 

यसका साथै सभाले आयोजनाको लगानी व्यवस्थापनका लगि सार्वजनिक शेयर निष्कासन गर्ने, कम्पनीको अधिकृत, जारी तथा चुक्ता पुँजी वृद्धि गर्ने र आईपीओ निष्कासन सम्बन्धी सञ्चालक समितिलाई अख्तियारी प्रदान गर्नेछ ।