आईपीओ निष्कासनको प्रस्तावसहित बन्दीपुर केवलकारले बोलायो साधारणसभा 

काठमाडौं : बन्दीपुर केवलकार एण्ड टुरिजम लिमिटेडले आईपीओ जारी गर्ने प्रस्तावसहित साधारणसभा बोलाएको छ । मङ्सिर ७ गते बसेको कम्पनीको सञ्चालक समितिको बैठकले पुस १४ गते तेस्रो वार्षिक साधारण सभा बोलाएको हो । 

सो सभा बन्दीपुर परियोजना प्राङ्गणमा विहान ११ बजे हुनेछ । कम्पनीले आयोजना प्रभावित स्थानीयसँगै सर्वसाधारणमा आईपीओ निष्कासन गर्ने प्रस्ताव गरेको छ । 
साथै सो सभाले सार्वजनिक निष्कासनका लागि आवश्यक सम्पूर्ण कार्यको जिम्मेवारी सञ्चालक समितिलाई दिने निर्णय गर्नेछ । 

यसका साथै सभाले गत आर्थिक वर्ष ०७९/८० को वार्षिक प्रतिवेदन सहितका वित्तीय विवरण पारित गर्नुका साथै चालू आर्थिक वर्षको लागि लेखापरिक्षक नियुक्ति र निजको पारिश्रमिक निर्धारणको विषय पनि सभाले टुङ्ग्याउनेछ ।