राष्ट्रिय सहकारी बैंकको अध्यक्षमा लक्ष्मी प्रसाद उप्रेती निर्वाचित

काठमाडौं : राष्ट्रिय सहकारी बैंकको अध्यक्षमा लक्ष्मी प्रसाद उप्रेती निर्वाचित भएका छन्।

आज सम्पन्न निर्वाचनमा उप्रेतीले पाँच मत प्राप्त गर्दै अध्यक्षमा विजयी भएका हुन् । उनका प्रतिस्पर्धी परितोष पौड्यालले दुई मत प्राप्त गरेका थिए।

बैंकको विनियमअनुसार सञ्चालक समितिमा निर्वाचित सात जना सञ्चालकमध्येबाट अध्यक्ष चयन गर्ने व्यवस्था रहेको छ।

उप्रेती निवर्तमान लेखा सुपरीवेक्षण समितिका संयोजक समेत हुन्। उप्रेती कोशी प्रदेशबाट सर्वसम्मत रूपमा सञ्चालकमा निर्वाचित भएका थिए।

उप्रेती यसअघि २०७० सालमा लेखा सुपरीवेक्षण समिति सदस्य तथा २०७५ र २०७९ सालमा लेखा सुपरीवेक्षण समितिको संयोजकको जिम्मेवारी सम्हालिसकेका छन्।