सहकारी बैंक चुनावमा एमालेको खुला हस्तक्षेप

काठमाडौं : राष्ट्रिय सहकारी बैंकको निर्वाचनमा दलगत हस्तक्षेप खुला रूपमा देखिएको छ। नेकपा (एमाले) ले आफ्ना प्रदेश र जिल्ला कमिटीलाई पत्र पठाउँदै कांग्रेस, नेकपा र एमालेबीच भएको भागबण्डाअनुसार साझा उम्मेदवारलाई जिताउन निर्देशन दिएको हो।

Sponsored Advertisement

एमाले केन्द्रीय कार्यालयबाट जारी पत्रमा बागमती प्रदेशमा परितोष पौडेललाई तीन दलको साझा उम्मेदवार बनाइएको उल्लेख गर्दै उनलाई निर्वाचित गराउन सम्बन्धित कमिटी र सरोकारवालासँग समन्वय गर्न भनिएको छ।

सहकारीलाई राजनीतिक प्रभावबाट मुक्त राख्नुपर्ने बहस चलिरहेका बेला सहकारी क्षेत्रको एक मात्र बैंकको नेतृत्व चयनमै दलहरूले खुला भागबण्डा र निर्देशन जारी गरेपछि सहकारी क्षेत्रमाथिको राजनीतिक हस्तक्षप थप उजागर भएको छ।