फरवार्ड माईक्रोफाइनान्स लघुवित्तका कर्मचारी माथि लुटपाट

काठमाडौं : आईतबार फरवार्ड माईक्रोफाइनान्स लघुवित्तका कर्मचारी माथि लुटपाटको घटना भएको छ । संस्थाको शाखा कार्यालय ईश्वरपुर, सर्लाहीमा कार्यरत कर्मचारी पुजा सरदार र शान्ति सरदार माथि मोटरसाईकलमा आएका अपरिचित व्यक्तिले कटुवा पेस्तोल देखाइ उनीहरुको साथबाट नगद लुटपाट गरि भागेको संस्थाले जनाएको छ । 

Sponsored Advertisement

दुई कर्मचारी लालबन्दी नगरपालिका वडा नं. ३, जब्धीमा नियमित बस्ने केन्द्र बैठक सञ्चालन गरी कार्यालयतर्फ फर्किने क्रममा हरिपुर जाने सडकको पोखरीटोल सडक खण्डमा उक्त घटना भएको संस्थाले बताएको हो । 

घटनामा केन्द्र बैठकमा संकलित एक लाख ८४ हजार ७०५ रुपैयाँ नगदसहित उनीहरुको साथमा रहेको कार्यालय प्रयोजनका कागजात सहितकोे झोला लुटेर पूर्वदिशा तर्फ फरार भएको बुझिएको छ ।

घटनाका सम्वन्धमा तत्कालै ईलाका प्रहरी कार्यालय बयलबासमा जानकारी दिई खोजतलास भएको र भोलीपल्ट लिखित उजुरी दिएको संस्थाले जानकारी दिएको हो । 

प्रहरी प्रशासनले घटनाको बिषयमा पिडित कर्मचारी, शाखाका कर्मचारी र स्थानियहरुसँग सोधपुछ गरी जानकारी लिएको र घटना भएको बाटोमा रहेका सी.सी. क्यामेराहरुको चेकजाँच गर्नुका साथै शंकास्पद ब्यक्तिहरुको निगरानी भैरहेको जानकारीे दिएको छ ।