राष्ट्र बैंकद्वारा सहकारीका लागि निर्देशन तथा मापदण्ड जारी,  प्रति सदस्य बचत सीमा बढीमा ५० लाख

काठमाडौं : नेपाल राष्ट्र बैंकले बचत तथा ऋणको कारोबार गर्ने सहकारी संस्थाका लागि निर्देशन तथा मापदण्ड २०८१ जारी गरेको छ ।

Sponsored Advertisement

नेपाल राष्ट्र बैंक ऐन २०५८ को दफा ५  को उपदफा (१)को खण्ड (च१) र सहकारी ऐन २०७४ को दफा १५१ को उपदफा (१क) ले दिएको अधिकार प्रयोग गरी आज (चैत्र २१) निर्देशन जारी गरेको हो ।

जारी निर्देशन तथा मापदण्ड आजैबाट लागू भएको छ ।

निर्देशन तथा मापदण्डमा बचत संकलनको सीमा समेत तोकेको । एक जिल्ला कार्यक्षेत्र भएको सहकारीले प्रति सदस्य १० लाख, एक भन्दा बढी जिल्ला कार्यक्षेत्र भएको सहकारीले २५ लाख र एक प्रदेशभन्दा बढी कार्यक्षेत्र रहेको सहकारीले प्रति व्यक्ति ५० लाख सीमा तोकेको छ ।

२०८१ पौष १४ अघि कायम रहेको बचतको हकमा सो मितिबाट २ वर्ष भित्र सीमा भित्र ल्याउनुपर्ने निर्देशन तथा मापदण्डमा उल्लेख छ।