लाभांश पारित गर्न हिमालयन एभरेष्ट इन्स्योरेन्सले डाक्यो साधारणसभा, बुक क्लोज कहिले ? 

काठमाडौं : हिमालयन एभरेष्ट इन्स्योरेन्स लिमिटेडले माघ २५ गते साधारणसभा बोलाएको छ । कम्पनीले गत आर्थिक वर्षको मुनाफाबाट शेयरधनीहरुलाई वितरण गर्ने घोषणा गरेको लाभांश प्रस्ताव पारित गर्न साधारण सभा डाकेको हो । 

Sponsored Advertisement

इन्स्योरेन्सको सभा सो दिन बानेश्वर ब्याङ्कवेट, थापागाउँ, काठमाडौँमा बिहान ११ बजे शुरु हुनेछ।  सभाले हाल कायम चुक्ता पूँजीको ८.६३ प्रतिशतका दरले बोनस शेयर र सोको कर प्रयोजनाका लागि ६.३७ प्रतिशतका दरले नगद लाभांश वितरण गर्ने विशेष प्रस्ताव पारित गर्नेछ।

त्यसैगरी, सभाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, विज्ञ स्वतन्त्र सञ्चालकको पदमा भएको नियुक्ति चार वर्षको लागि र रिक्त संस्थापक सञ्चालकको पदमा भएको नियुक्ति बाँकी अवधिको लागि अनुमोदन गर्ने, लेखापरीक्षक नियुक्त गर्ने लगायतका प्रस्तावहरु पारित गर्नेछ।

साधारण सभा तथा लाभांश वितरण प्रयोजनका लागि इन्स्योरेन्सले माघ १४ गते बुकक्लोज गर्ने भएको छ। जस अनुसार माघ ११ गतेसम्म कायम भएका शेयरधनीहरुले मात्र इन्स्योरेन्सको साधारण सभामा सहभागिता हुन र कम्पनीले वितरण गर्ने लाभांश प्राप्त गर्न सक्नेछन्।