सिटिजन्स बैंकको ७० हजार ४९० कित्ता शेयर सर्वसाधारणका लागि बिक्री, १५० रुपैयाँमै किन्न सकिने 

काठमाडौं : सिटिजन्स बैंकले ७० हजार ४९० दशमलव ६१ कित्ता संस्थापक शेयर सर्वसाधारणका लागि बिक्री खुला गरेको छ । बैंकले प्रतिशेयर १५० रूपैयाँ अंकित मूल्यमा अन्य व्यक्ति तथा संस्थाहरूले समेत खरीद गर्न पाउने गरी बिक्रीमा ल्याएको हो ।

यसअघि विद्यमान संस्थापक शेयरधनीका लागि बिक्री खुला गरेकोमा तोकिएको समयम आवेदन नपरेपछि बैंकले अन्य व्यक्ति तथा संस्थाहरूमा बिक्री खुला गरेको हो ।

उक्त शेयर खरीद गर्न इच्छुक लगानीकर्ताहरूले आवश्यक कागजातसहित आगामी ३५ दिनभित्र बैंकको केन्द्रिय कार्यालय नारायणहिटी पथ, काठमाडौंमा आवेदन दिनुपर्नेछ ।