सिद्धार्थ बैंकको लाभांश सुरक्षित गर्ने आज अन्तिम दिन 

काठमाडौं : सिद्धार्थ बैंक लिमिटेडको लाभांश सुरक्षित गर्ने आज अन्तिम दिन रहेको छ । बैंकले साधारणसभा प्रयोजनका लागि कात्तिक २१ गते (भोलि) बुक क्लोज गर्ने भएको छ ।  जस अनुसार कात्तिक २० गते (आज) सम्म कायम भएका शेयरधनीहरुले मा बैंकको साधारण सभामा सहभागिता हुन र बैंकले वितरण गर्ने लाभांश पाउनेछन् । 

बैंकले लाभांश र मर्जर प्रस्ताव पारित गर्न मंसिर ५ गते साधारण्सभा बोलाएको छ । उक्त सभा आम्रपाली बैङक्वेट, बालुवाटार, काठमाडौँमा बिहान १० बजेदेखि सुरु हुनेछ ।

गत सोमबार बसेको बैंकको सञ्चालक समितिको बैंठकले बैंकको २२ औं वार्षिक साधारण सभा गर्न लागेको हो । सो सभा शेयरधनीहरुलाई वितरण गर्न लागेको ४.२१ प्रतिशत नगद लाभांश प्रस्ताव पारित गर्नेछ ।

साथै लेखापरीक्षक नियुक्त गर्ने र अन्य कुनै उपयुक्त बैंक तथा वित्तीय संस्थासँग मर्ज अथवा एक्वायर गर्ने सम्बन्धमा आवश्यक कार्य गर्न सञ्चालक समितिलाई अख्तियारी दिने विशेष प्रस्ताव पारित गर्नेछ ।

बैंकले हाल कायम चुक्ता पूँजीको ४.२१ प्रतिशतका दरले हुन आउने ५९ करोड ३१ लाख ८८ हजार १६६ रुपैयाँ बराबरको कर सहितको नगद लाभांश वितरण गर्ने घोषणा गरेको थियो ।