सूर्योदय वोमी लघुवित्तकाे १० हजार कित्ता शेयर सर्वसाधारणका लागि बिक्रीमा 

काठमाडौं : सूर्योदय वोमी लघुवित्त वित्तीय संस्थाको १० हजार कित्ता संस्थापक शेयर बिक्रीमा आएको छ । संस्थाले संस्थापक शेयरधनीको नाममा रहेको १० हजार १३१ कित्ता संस्थापक शेयर विद्यमान शेयरधनीहरु र सर्वसाधारणले समेत खरिद गर्न पाउने गरी बिक्रीमा ल्याएको हो । 

कम्पनीले उक्त शेयर खरिदका लागि विद्यमान शेयरधनीहरुलाई ३५ दिने सूचना जारी गरेको थियो । तोकिएको समयमा कुनैपनि संस्थापक शेयरधनीहरुबाट आवेदन नपरेपछि कम्पनीले शेयर खरिद गर्न चाहने इच्छुक अन्य व्यक्ति तथा संस्थाहरुका लागि सूचना जारी गरेको हो ।

इच्छुक खरिदकर्ताले सूचना प्रकाशित भएको ३५ दिन भित्र आवश्यक काजगपत्र संकलन गरी संस्थाको कर्पोरेट कार्यालय कुमारी क्यापिटल नक्सालमा आफूले खरिद गर्न चाहेको शेयरसंख्या खुलाई आवेदन पेश गर्नुपर्नेछ ।