दशैंअघि नै लाभांश दिन एभरेष्ट बैंकले डाक्यो साधारणसभा, बुक क्लोज कहिले ? 

काठमाडौं : एभरेष्ट बैंक लिमिटेडले साधारणसभा बोलाएको छ । लाभांश पारित गर्ने प्रस्ताव सहित बैंकले साधारणसभा बोलाएको हो । आइतबार बसेको बैंकको सञ्चालक समितिको बैंठकले असोज ३० गते बैंकको २९ औं वार्षिक साधारणसभा गर्ने निर्णय गरेको हो ।

सो सभा बिहिबार बिहान ११ बजे लैनचौर ब्याङक्वेट लैनचौर काठमाडौंमा । उक्त सभाले लेखापरीक्षकको प्रतिवेदनसहित गत आर्थिक वर्षको नाफा नोक्सानको हिसाब ताथ सोही अवधिको नगद प्रवाह विवरण लगायतका विषयमा छलफल गर्ने छ । 

यसका साथै सञ्चालक समितिबाट प्रस्तावित १० प्रतिशत बोनस र कर प्रयोजनका लागि वितरण गर्न लागिएको ०.५३ प्रतिशत नगद गरी कुल १०.५३ लाभांश वितरण गर्ने स्वीकृति प्रदान गर्नेछ ।

सो सभाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने र संस्थापक शेयरधनीहरुको तर्फबाट सञ्चालक समितिमा नियुक्त भएका सञ्चालकको नियुक्ति अनुमोदन गर्ने लगायतका प्रस्तावहरु पनि पारित गर्नेछ।

साधारणसभा प्रयोजनका लागि बैंकले असोज १६ गते एकदिनका लाई शेयरधनी किताब खाता (बुक क्लोज) गर्ने भएको छ । जसअनुसार असोज १५ गतेसम्म नेप्सेमा कायम भएका शेयरधनीहरुले मात्र बैकले वितरण गर्ने लाभांश र साधारणसभामा भाग लिन पाउनेछन् ।