सुरु भयो हिमालयन र सिभिल बैंकको एकीकृत कारोबार

काठमाडौं : हिमालयन बैंक र सिभिल बैंकको एकीकृत कारोबार सुरु भएको छ। हिमालयन बैंकले सिभिल बैंकलाई प्राप्ति गरेसँगै शुक्रबारबाट एकीकृत कारोबार सुरु भएको हो।

एकीकरण कार्यक्रममा हिमालयन बैंकका प्रमुख कार्यकारी अधिकृत (सीईओ) अशोक राणाले ९ महिनाको लामो छलफलपछि हिमालयन र सिभिल बैंक मर्जरमा जान सफल भएको बताए। अहिले अवस्थामा ठूला बैंक आवश्यक ठानेर मर्ज भएको सीईओ राणालेब ताए । एकीकृत भएसँगै बैंकको शाखा १ सय ८९ र २० वटा एकस्टेन्सन काउन्टर हुने छ भने कर्मचारी १ हजार ९ सय ७३ जना हुनेछन्।

हिमालयन बैंकले सिभिललाई १००:८०.२८ अनुपातमा प्राप्ति गरेको हो । मर्जरसँगै सिभिल बैंकको १०० कित्ता सेयर हुनेको हिमालयन बैंकमा ८०.२८ कित्ता सेयर हुनेछ।

एकीकृत कारोबार भएसगै बैंकको कुल पुँजी ३४ अर्ब, कुल निक्षेप २ खर्ब ७४ अर्ब, कुल कर्जा २ खर्ब ५० अर्ब पुगेको छ।